Accessibility links

якшәмбе, 11 декабрь 2016, Казан вакыты 03:16

Tönyaq Koreanıñ atom programması tiräsendäge qarşılıq xäl itelsä, Quşma Ştatlar Pxenyanğa yärdäm itergä äzer


Amerikanıñ Aziädäge maxsus wäkile, däwlät sekretare urınbasarı James Kelly Tönyaq Koreanıñ atom programması tiräsendäge qarşılıq xäl itelsä, Quşma Ştatlar Tönyaq Koreanıñ energiä krizisin xäl itüdä yärdäm mäsäläsen qararağa äzer, dip belderde. Bu süzlären Amerikan räsmie bügen Könyaq Korea başqalası Seulda äytte. Anıñ süzlärençä, Quşma Ştatlar Pxenyannıñ atom qoral programması turında söyläşülär başlarğa teli. Şunnan soñ Quşma Ştatlar, başqa illär häm şäxsi kompaniälär Tönyaq Koreağa yärdäm itä başlarğa mömkin, dide ul.

Üz näübätendä Tönayq Koreanıñ Mäskäwdäge ilçese Pak Ui Çun, ägär Quşma Ştatlar häm Xalıqara Atom Energiä Agentlığı üz säyäsäten üzgärtsä, Pxenyan atom qoralın cäyeldermäw turındağı kileşüdän çığu qararın qabat küzdän kiçerergä mömkin, dip belderde. Berük waqıtta ul, bu ilgä sanksiälär kertü – suğış iğlan itüne añlataçaq, dip äytte.

XS
SM
MD
LG