Accessibility links

шимбә, 3 декабрь 2016, Казан вакыты 05:39

Görciä prezidentı Eduard Şevarnadze Abxaziädä Rusiä xärbiläre toruğa qarşı


Görciä prezidentı Eduard Şevarnadze Abxaziä töbägendä Rusiä xärbiläre toruğa qarşılıq belderde. Däwlät radiosında çığış yasap, Şevarnadze bu xärbilärneñ möddäten ozaytuğa äzer bulmawın äytte. Şevarnadze süzlärençä, moña etärgän säbäplärneñ berse – Mäskäw, Tbilisi belän kiñäşep tormıyça, Rusiäneñ Soçi şäxäre belän Abxaziä başqalası Suxumu arasında timer yul açqan. Abxaziä watandaşlarına Rusiä pasportları birelügä Şevarnadze şulay uq rizasızlıq belderde. Abxaziädäge 150 meñ keşeneñ inde 80 meñenä Rusiä pasportları birelgän. Rusiä Abxaziäne basıp alırğa cıyına digän tä’sir qala dide ul.

Rusiäneñ Tışqı eşlär ministrlığı bügen yasağan belderüendä, Görciäneñ Rusiä xärbiläre möddäten ozaytmawı – Abxaziä mäsäläsen çişüdä citdi awırlıqlar tudıra dip belderde.

XS
SM
MD
LG