Accessibility links

шимбә, 10 декабрь 2016, Казан вакыты 00:24

Yevropada İminlek häm Xezmättäşlek Oyışması Çeçnyağa qaytırğa cıyına


Yevropada İminlek häm Xezmättäşlek Oyışmasınıñ yaña riäse, Hollandia Tışqı eşlär ministrı Jaap de Hoop Scheffer Rusiä oyışmanıñ törkemenä Çeçnyağa qaytırğa röxsät birer digän ömet belderde. Törkemneñ möddäte dikäberneñ 31-ndä çıqqan ide. Rusiäneñ Tışqı eşlär ministrlığı anı ozaytudan baş tarttı. Yaña yıldan başlap Yevropada İminlek häm Xezmättäşlek Oyışmasında Hollandiä räislek itä. Bu ilneñ Tışqı eşlär ministrı Scheffer yaqın arada Mäskäwgä barıp Rusiä Tışqı eşlär ministrı İgor İvanov belän bu mäsälädä söyläşergä cıyına.

Ul arada Çeçen separatisları üzläreneñ İnternet säxifäsendä Yevropada İminlek häm Xezmättäşlek Oyışması törkemeneñ Çeçnyadan kitüwenä xuplaw belderde. Anda, bu törkem Rusiäneñ Çeçnyanı basıp aluwına barı tik qanuni tösmer birde dielgän.

XS
SM
MD
LG