Bu yal könnärendä tatar dönyasında bik küp mädäni çaralar ütte. Mäskäwdä Zur teatr säxnäsendä Foat Mansurovnıñ yubileen qotlarğa kilgän Mintimer Şäymiev çığış yasawın beläsezder. Bu mäşhür teatrda 20-30 yıllarda Fäyzulla Tuişevlar garmun uynağan, Säydäşevlar, Älmöxämmätovlar çığış yasağan, 50 yıllarda biredä “Şüräle” baletı quyılıp, “Söyembikä” partiäsen Maya Plisetskaya başqarğan, Boris Pokrovskiy Näcip Cihanovnıñ “Cälil” operasın şuşı Zur teatrda quyğan. Bu atnada biredä tağın tatar keşeläreneñ tawışları yañğıradı.
Ä Qazannıñ Zur konsertlar zalında 12 ğinwarda sänğät citäkçese Foat Mansurovnıñ Mäskäwdä buluınnan faydalanıp küräseñ, Tatarstannıñ simfonik orkestrı belän äzerleksez keşelär, yäğni telägän şäxeslär dirijerlıq itep qarağan. Bik qızıq kilep çığa di. Annarı orkestr dirijerı Räşit Skuratov ta muzıkantlarnı ädämçä uynatıp kürsätkän.
12 ğinwarda Qazannıñ “Uniks” tamaşalar zalında Tatarstan radiosınıñ “Par qanatlar” tapşıruına 15, anı alıp baruçı Räzin Nurullinğa 50 yäş tuluğa bağışlanğan bik şäp mädäni kiçä buldı. Anısın kürdek häm “Azatlıq”nıñ maxsus bülägen dä tapşırdıq.
Rimzil Wäli, Qazan
Ä Qazannıñ Zur konsertlar zalında 12 ğinwarda sänğät citäkçese Foat Mansurovnıñ Mäskäwdä buluınnan faydalanıp küräseñ, Tatarstannıñ simfonik orkestrı belän äzerleksez keşelär, yäğni telägän şäxeslär dirijerlıq itep qarağan. Bik qızıq kilep çığa di. Annarı orkestr dirijerı Räşit Skuratov ta muzıkantlarnı ädämçä uynatıp kürsätkän.
12 ğinwarda Qazannıñ “Uniks” tamaşalar zalında Tatarstan radiosınıñ “Par qanatlar” tapşıruına 15, anı alıp baruçı Räzin Nurullinğa 50 yäş tuluğa bağışlanğan bik şäp mädäni kiçä buldı. Anısın kürdek häm “Azatlıq”nıñ maxsus bülägen dä tapşırdıq.
Rimzil Wäli, Qazan
