Accessibility links

җомга, 9 декабрь 2016, Казан вакыты 22:26

BMO qoral tikşerüçeläre Ğıyraqnıñ küpläp üterü qorallarına iä bulu,bulmawın bilgeläü öçen östämä waqıt kiräk dip belderä.


BMO qoral tikşerüçeläreneñ citäkçese Hans Blix , AQŞ vä Britanieneñ birgän küzläü mäğlümäte nigezendä expertlar Ğıyraqta tikşerülären kiñäytä, cäyelderä dip belderde. Xalıqara Atom Agentlığı başlığı el Baradei qaraşınça , Bagdadnıñ yäşren qoral programmasına iä bulu bulmawı turında qarar birü öçen tağı berniçä ay waqıt kiräk .Aqyort prezident G.Bush,Gıyraqnı qoralsızlandıru mäsäläsendä bula alaçaq suğış öçen waqıt grafikası bilgelämägän dip belderde.

Ütkän ayda qoral tikşerüçeläre citäkçese Hans Blix AQŞ belän Britanie Bagdad küpläp üterü qorallarına iä dip belderep kilsälär dä bezgä küzläü mäğlümäten birmi dip şikäyäq itkän ide. Ul alarnı xätta kitaplarnı uquçılarına birergä telämägän kitapxanäçegä oxşatqan ide. Ämma Blix vazğiät üzgärä bez äle elek ber qayçan da bulmağan urınnarğa vizitlar yasıy alabız dip belderde düşämbedä BBCgä. Kiläse atna azağında Hans Blix häm Atom Agetlığınıñ citäkçese el Baradei Bagdadqa bara. Alar anda xisabı birelmägän ximik bomba, nerve gaz häm raketa motorları turında soramaqçı .Bagdad bez cavap birergä äzer di. Äl Baradainıñ tikşerüçelärneñ Ğıyraqtağı eşlären tämamlauı öçen berniçä ay östämä waqıt kiräk digän süzlärenä Aqyort şunduq , Quşma Ştatları Ğıyraqtağı inspektorlarğa bernindi yasalma vaqıt çikläüläre quymi digän cavap qaytardı. Suğış qayçan başlana digän soraular sonğı könnärdä sürelä töşte.. AQŞnıñ qayber berektäşläre inspektorlarğa kübräk waqıt taläp itä başladı. Şulayuq AQŞnıñ töbäkkä xärbilär kiterüe dä qayber problemalar säbäple totqarlana. Änkara Waşingtonğa äle dä açıq anıq cavap qaytarmadı. Suğış bula qalsa AQŞnıñ qullanaçaq bazalarnı tikşerüçe törkem äle düşämbedä genä Törkiegä kilde. Änkarada xökümät cämäğätçelekneñ Ğıyraq suğışına nıq qarşılıq kürsätüe säbäple bazalar turındağı qararın ay azağında belderäçägen äytte. Ämma bazalarnı suğışqa äzerläü öçen atnalarça waqıt kiräk bulaçaq. Elek AQŞ räsmiläre Hans Blix belän Äl Baradeinıñ 27-nçe Ğıynuarda iminlek şurasına täqdim itäçäk xisabı , Ğıyraqqqa suğış turında qarar bireläçäk kön bulaçaq dip äytep kilä ide. Düşämbedä Tony Blair älbättä 27-nçe ğıynuar möhim kön , ämma inspektorlarğa qatğıy kön bilgeläüneñ mäğnäse yuq dip äytte .Fransie tışqı eşlär ministırı da eşlären tämamlauları öçen inspektorlarğa şans birelergä , suğışqa iñ sonğı çara dip qaralırğa tieş dip söylägän.Suğış buldırmau öçen diplomatik tırışlıq törle frontlarda bara. Suğut Ğäräbstän, üz täqdime başqa ğäräb illäre tarafınnan da qabul iteler häm böten ğäräb dönyasınıñ suğışqa qarşı berdäm pozitsiese bulır di ömed itä. AQŞ inspektorları düşämbedä Törkiedäge bazalarnı tikşerä başladı. Ber kön elek premier A. Gül Syrie,Yordanie,Misır , Suğut Ğäräbstäne häm İran başqalalarında suğış buldırmau öçen tırışlıq alıp barıp ilenä qayttı. Anıñ qaraşınça suğış bulsa töbäktäge här kem bik yuğarı bäyä tüliäçäk. İnspektorlarnıñ eşlären tämamlauları öçen kübräk waqıt sorauları, Änkaranıñ Waşingtonğa biräçäk cawabın tartıp suzıu näticäsendä Törkiedäge bazalarnıñ rätkä salınmauı belän fewral urtalarında başlanuı ixtimal Ğıyraq suğışın kiçekterä. Suğış başlau tarixın aprelğa kiçekterü esse cäy häm qom burannarı belän köräşne dä küzdä totarğa kiräk digän süz .Bagdad regionda küpläp xärbi köç cıyılıuna qaramastan , dönya qoralsızlanu eşeneñ tikşerüçelär tarafınnan xäl qılınuın teli dip añlar häm inspektorlar belän xezmättäşlek itär dip ömed itik

Färidä Xämid , Praga
XS
SM
MD
LG