Accessibility links

якшәмбе, 11 декабрь 2016, Казан вакыты 16:52

Human Rights Watch: AQŞ terorğa qarşı köräş alıp barğanda, keşe xoquqlarına küz yoma


Keşe xoquqların yaqlawçı Human Rights Watch törkeme (HRW) Quşma Ştatlar administratsiäsen terorğa qarşı köräş alıp barğanda keşe xoquqların bozularğa küz yomuda ğäyepläde. New Yorkta urnaşqan bu oyışma bügen üzeneñ yıllıq xisabın bäyän itte. Älege xisapta äytelgänçä, Waşington terorğa köräştä yärdäm itkän illärdä keşe xoquqları bozılu ğämällärenä küz yoma. Törkem başlığı Kenneth Roth süzlärençä, bügen Waşington zur köçkä iä, ägär ul keşe xoquqları standarlarına küz yoma başlasa, bu bar dönyağa tiskäre yoğıntı yasayaçaq. HRW şulay uq, Quşma Ştatlarnı Äfğanstandağı suğış äsirläre belän eş itkändä keşe xoquqlarına küz yomuda ğäyepläde häm Ğirtaqta suğış bula qalsa, andağı ğadi xalıqnıñ tormışın saqlarğa ütende.

HRW şulay uq, Rusiäneñ Çeçnyadağı säyäsätenä tänqit belderä. Xisapta ğäyepsez keşelärneñ qulğa alınuwı, yuqqa çığuwı, Rusiä xärbiläre tarafınnan censi ezärleklänüwe, qaçaqlar lagerları yabıluwı turında äytelä. HRW Çeçnyadağı waxşileklärgä küz yomğan häm Mäskäw belän yaqınayu säyäsäte alıp barğan NATO häm başqa xalıqara oyışmalarğa tänqit belderelä.

XS
SM
MD
LG