Accessibility links

шимбә, 3 декабрь 2016, Казан вакыты 12:35

Qazanğa Roald Säğdiev kilä


16 ğinwar könne Qazanğa tanılğan ğalim, millättäşebez Roald Säğdiev kilä. İsegezgä töşerep ütik, Roal'd Säğdiev plazma fizikası, kosmofizika buyınça xezmätläre belän bilgele. Ul ozaq yıllar buyı Mäskäwdä Atom energiäse institutı, Novosibirskida atom-töş fizika institutı, Mäskäwneñ Yuğarı temperaturalar institutında eşlägän. Küp yıllar Roald äfände SSSR Fännär akademiäseneñ Kosmik tikşerenülär institutın citäklägän. 1989 yıldan birle ul Amerika Quşma Ştatlarınıñ Meryland universitetınıñ şäräfle professorı häm Rusiä Fännär akademiäse Kosmik tikşerenülär institutınıñ baş fänni xezmätkäre bulıp tora. Tanılğan fizik, SSSR häm Tatarstan Fännär akademiäse akademigı Roald Säğdiev 26 dekaberdä üzeneñ 70 yıllıq yubileyın bilgeläp ütte. Şuşı uñaydan pänceşämbe könne Tatarstannıñ Fännär akademiäsendä ğilmi sessiä uzaçaq. Anda ğalimneñ Novosibirskidağı SSSR Fännär akademiäseneñ Atom-tış fizika, Mäskäwdäge Rusiä Fännär akademiäseneñ Kosmik tikşerenülär institutlarında bergä eşlägän xezmätkärläre häm şäkertläre çığış yasayaçaq. Annan soñ tanılğan millättäşebezne Tatarstan prezidentı Mintimer Şäymiev qabul itäçäk, dip kötelä. Yubiley uñayınnan Säğdievkä Tatarstannıñ atqazanğan fän eşleklese digän isem birelgän ide. Mintimer Şäymiev oçraşu waqıtında aña şuşı xaqta tanıqlıq tapşıraçaq. Östäwenä, Roald äfände häm anıñ tormış iptäşe Susan Eisenhower öçen oyıştıruçılar törledän-törle mädäni çaralar da äzerlägän.

XS
SM
MD
LG