Accessibility links

сишәмбе, 6 декабрь 2016, Казан вакыты 20:54

Mäskäwdä «Tatarskiy vopros » tikşerelä


Çärşämbe kiçen Bötendönya tatar kongressı Başqarma komitetı wäkilläre Mäskäwgä yul aldı. Kongress räise Rinat Zakirov, anıñ urınbasarı, ğalim Damir İsxakov, Rusiä tatarlarınıñ federal' milli-mädäni möxtäriät räise Rimzil Wäliev 16 ğinwar könne Mäskäwdä ütäçäk «Tatarski vopros v Rossii» - «Rusiädä tatar mäsäläse» digän seminarnıñ berençe utırışında qatnaşırğa niätli. Älege cıyılışta Şärıq institutı, soñğı waqıtta küplärgä, bigräk tä tatarlarğa, yaxşı tanış Rusiäneñ etnologiä häm antropologiä institutı, Mäskäw däwlät universitetı häm başqa küp kenä danlıqlı fänni institutlarnıñ wäkilläre, Peterburg, Ufa, Saratov, Tomsk ğalimnäre dä qatnaşaçaq. Şulay uq seminarda Rusiä Fännär akademiäseneñ prezidentı Yuriy Osipov ta bulaçaq, dip kötelä. Xäzerge Rusiädä tatarlar mäsäläsen kütärgän bu seminarnı akademik Rinat Aqçurin citäklägän «Watanım» oyışması häm Mäskäwdä çığuçı «Tatarskiy mir» gäcite oyıştıra. Oyıştıruçılar süzlärenä qarağanda, älege seminarlar daimi räweştä, ay sayın ütkäreläçäk. Pänceşämbe könne berençe utırış. İnde isemennän ük kürengänçä, şuşı märtäbäle fänni cıyılışta Rusiädä tatarlarnıñ xäle tikşereläçäk. Yaqın arada qaralaçaq temalar arasında: Qazannı alu häm tatarlar öçen anıñ tarixi näticäläre, xäzerge Rusiädä tatar mäsäläse, anıñ eçtälege häm aktual' aspektları, etnos, däwlät häm milli-mädäni möxtäriätlär täcribäse, tatar häm islam h.b. Elege cıyılış, anda qaralaçaq mäsälälär, qatnaşuçı ğalimnärneñ fikerläre, älbättä, bik qızıqlı. Şuña kürä, kiläse tapşırularıbızda bez sezgä bu xaqta äle söylärbez. Bigräk tä, seminarlar, oyıştıruçılar ömetlängänçä, daimi räweştä ütkärelsä.

XS
SM
MD
LG