Accessibility links

шимбә, 10 декабрь 2016, Казан вакыты 10:09

İnternetta 2002 yıl tatarı saylandı


İntertat.ru säxifäsendä İnternet qullanuçılar arasında 2002 yıl tatarın bilgelädelär digän xäbär çıqtı. Berençe itep, säyäsätçe Rusiä Däwlät Duması deputatı Fändäs Safiullin atala, ä berençe tatar xanımı itep, premier-ministr urınbasarı Zilä Wälievanı saylağannar. İñ mäşhür tatarlar arasında, şulay uq, jurnalist Rimzil Wäliev, BTİÜneñ Çallı bülege räise Räfis Kaşapov, milli xäräkät aqsaqalı Ğali Aqış, yazuçı Fäwziä Bäyramova, ğalim Wil Mirzayanov. Tawışlarnı tuplap, näticä çığaruçı Amerikada yäşäwçe tatar jurnalistı Sabircan Badretdin tawış birülärneñ kamil bulmawın iskärtä. Şulay da İnternetnıñ tatar forumnarında qatnaşuçılar älege näticälär belän kileşälär ikän.

Älbättä, İnternet diñgezendä balıq kebek yözgän qayber yegetlär mondıy näticälär belän bik ük kileşep tä betmilär. Fändäs Safiullin nindi ğämälläre, nindi eşläre öçen berençe urınğa çıqqan ikän digän soraw quyadır. Älege xäbärdä yıl tatarlarınıñ qazanışları äytelmi. Läkin “Azatlıq” radiosı tıñlauçılarına xäbärlärebezdän mäğlümder, Fändäs Safiullin yıl buyı Rusiä Däwlät Dumasında respublika, tatar mänfäğätlären yaqladı. Xalıq sanın alu aksiäsendä, bigräk tä Rusiä Däwlät Duması “RF xalıqları telläre turında”ğı qanunğa üzgäreş kertep, latinnı tıyğanda, ayawsız köräşte, bu mäs'älälärdä Tatarstan Däwlät Şurası deputatların xäbärdar itte. Latin imlasına küçüne yaqlawda anıñ Tatarstan Däwlät Şurasına yärdäme zur.

XS
SM
MD
LG