Mäskäwneñ Tver mäxkämäsendä bügen, uzğan yılnıñ üktäberendä totıq alu waqiğasında qorban bulğannarnıñ şikäyätläre tikşerelä başladı. Totıqlarnı azat itü waqıtında xäläk bulğan keşelärneñ tuğannarı häm isän qalğan totıqlar, alarğa kilgän ruxi häm fizik zıyan öçen, Mäskäw xökümätennän kompensatsiä taläp itä. Däğwalarnıñ küläme 60 million dollar çaması. Mäxkämägä barlığı 60-lap şikäyät birelgän. Bügen şularnıñ berençeläre tikşerelä başladı.
Utırış başlanır aldınnan qorbannarnıñ advokatı İgor Trunov, bu xäkimnär bäysez tügel, alar Mäskäw xökümätennän açqa ala, dip alarnı alıştırırğa soradı. Läkin mäxkämä anıñ taläben kire qaqtı.
Mäskäwdä bulğan totıq alu waqıtında 120-dän artıq keşe xäläk buldı. Alarnıñ kübese Rusiä xärbiläre qotqaru operatsiäse waqıtında qullanğan ağulı gazdan ülde.
Utırış başlanır aldınnan qorbannarnıñ advokatı İgor Trunov, bu xäkimnär bäysez tügel, alar Mäskäw xökümätennän açqa ala, dip alarnı alıştırırğa soradı. Läkin mäxkämä anıñ taläben kire qaqtı.
Mäskäwdä bulğan totıq alu waqıtında 120-dän artıq keşe xäläk buldı. Alarnıñ kübese Rusiä xärbiläre qotqaru operatsiäse waqıtında qullanğan ağulı gazdan ülde.
