Accessibility links

İran deputatları olı yäştäge din ähelen irekkä çığarırğa sorıy


İrannıñ reforma taraflı 100-dän artıq deputatı, prezident Möxämmät Xattaminı, olı yäştäge din ähele Ayatolla Xösäin Ali Montazärine yort sağı astınnan çığaru öçen çaralar kürergä çaqırdı. 81 yäşlek Montazäri, İran ruxanie Ayatolla Ali Xömäni wäkälätlärenä şik beldergännän soñ, 1997-neñ noäberendä öy sağı astına utırtılğan ide. Ulı Äxmät äytüençä, hepatit belän awrğan Montazäri xäzer awır xäldä. Prezident isemenä cibärgän möräcäğättä deputatlar, Xattamiğa, İminlek Şurasında räis bulu wäkäläten qullanırğa täqdim itä. Läkin Şura mäsäläne tikşerü öçen, bar möxim mäsälädä soñğı süzne äytüçe Ayatolla Ali Xömänidän röxsät alırğa tieş. Xömänei, zamanında Montazärine xıyanättä ğäyeplägän ide.
XS
SM
MD
LG