Bagdad. Ğiraqtağı neft yatmaların eşkärtü mäs’äläsendä ike il arasında tuğan kierenkelekne beterü teläge belän Rusiä häm Ğiraq bügen yaña neft kileşüwen imzaladı häm äle tağın ikesenä ireşü eşen başlap cibärde. İke ilneñ neft çığaru şirkätläre wäkilläre dä qatnaşqan imzalaw tantanası comğa könne Bagdadta ütte. Kileşü nigezendä Rusiäneñ Stroytransgaz şirkätenä ilneñ könyaq-könbatışındağı neft yatmaların tikşerü häm eşkärtü xoquqı birelä. Bagdad şulay uq, Rusiäneñ Zarubejneft şirkäte belän dä şundıyraq kileşügä ireşü turında söyläşülär alıp bara. Ğiraqnıñ neft ministrı urınbasarı Xösäyen Söläyman äl Xädifi, kileşülär Rusiä häm Ğiraq xökümätläreneñ, üzara mönäsäbätlärne yaxşı itep saqlarğa teläwen kürsätä dip belderde. Uzğan ayda Bagdad LUKoil şirkäte belän Könbatış Qurnadağı neft yatmaların eşkärtü turındağı kileşüwen özgän ide.
