Accessibility links

якшәмбе, 4 декабрь 2016, Казан вакыты 17:19

Räsmi Baku körd suğışçıları Azärbaycanda eşçänlek alıp bara digän ğäyepläwlärne kire qağa


Baku. Azärbaycannıñ däwlät iminlege ministrı Namiq Abbasov süzlärenä qarağanda, şul ildä kördlärneñ PKK partiäse suğışçıları eşçänlek alıp bara digän ğäyepläwlär döres tügel. Ministrnıñ comğa könne Bakinski Raboci basmasında dönya kürgän belderüwendä, PKK Azärbaycanda berqayçan da eş itmäde, eş itmi häm moña kiläçäktä tä yul quyılmayaçaq dip äytä. Şuşı ay başlarında räsmi säfär belän Bakuğa kilgän Räcäp Erdoğan, Törkiäneñ Ğädellek wä Täräqqiat partiäse citäkçese, PKK üz eşen Azärbaycanda däwam itä häm monıñ öçen andağı mädäni oyışmalarnı qullana dip beldergän ide. Azärbaycannıñ däwlät iminlege ministrı bügen Erdoğannıñ şul süzlären cawapsız belderü dip atadı. Abbasov, Azärbaycan prezidentı Xäydär Aliev Bakunıñ teläsä nindi terror oyışmasına qarşı köräşüwen täqrarlap tora, häm bu kördlärneñ PKK oyışmasına da qarıy dip belderde.

XS
SM
MD
LG