Accessibility links

пәнҗешәмбе, 8 декабрь 2016, Казан вакыты 11:11

Çex prezidentın saylawnıñ yaña köne bilgelände


Praga. Berençe omtılışında ilneñ yaña prezidentın saylıy almağannan soñ, Çexiä parlamentı monı tağın ğinwarnıñ 24-endä eşläp qarayaçaq. Bu xaqta, parlamentnıñ wäkillär palatası räise Lubomir Zaoralek bügen andağı partiälärneñ citäkçeläre belän oçraşqannan soñ xäbär itte. İke kön elek çex parlamentı, xäzerge prezident Vaclav Havelnıñ almaşın saylıy almadı, anıñ wäkalätläre isä fivral’neñ 2-sendä tämamlana. Ğinwarnıñ 24-enä bilgelängän tawış birüdä yaña nämzätlär dä qatnaşa ala. İke kön elek isä Çexiä prezidentlğına däğwa itüçelär arasında töp köräşne xristian demokratlar wäkile Petr Pithart häm sivil demokratlarnıñ fäxri räise Vaclav Klaus alıp bardı. Alarnıñ berse dä ilneñ yuğarı citäkçelegenä saylanu öçen citärlek tawış qazana almadı.

XS
SM
MD
LG