Accessibility links

Кайнар хәбәр

Nigä ber din genä?


Pravoslavie mäktäp işeklären şaqı. 2000 yılda Rossiäneñ mäğärif ministrlığı “teologiä” digän yunäleşne uqu programmalarına kertä başladı. Nigezdä süz pravoslavie dinen öyränü turında ğına bara. Mäğärif ministrlığı bu mäs’älägä citdi äzerlängän. Mäskäw patriarxiäse belän xezmättäşlek turında kileşü tözelgän, anıñ nigezendä rus pravoslav çirkäwe mäktäp programmalarına ekspertiza yasayaçaq. Mäğärif ministrı Filippov süzlärenä qarağanda, mondıy ekspertiza däresleklärne suğışçan ateizmnan arındıru yözennän başqarıla. Ä bit uqu yortlarında “Pravoslavie kul'turası” digän däresleklärne kertü federal' häm xalıqara qanunnarğa qarşı kilä, keşelärneñ dinenä qarap diskriminatsiäläwgä kiterä.

Tatarstan buyınça keşe xoquqların yaqlawçı wäqälätle wäkil Räşit Wäğizov bu xaqta üzeneñ Mäskäwdäge kollegası Oleg Mironovqa maxsus xat yulladı. Wäğizov fikerençä, bu mäs'älä Tatarstanda borçu tudıra, çönki grajdannarnıñ wöcdan irege çiklänä. Şuña da Räşit Wäğizov oşbu mäs'älä buyınça Oleg Mironovtan Rossiä prezidentı Vladimir Putinğa möräcäğät itüen ütenä.

Moña östäp şunısın da äytergä kiräk. Uzğan yılnıñ dekaber ayında Bötendönya Tatar kongressınıñ märtäbäle ber cıyılışında Fäwziä Bäyramova çığış yasap :“Ägär dä mäktäplärdä pravoslavie dinen öyrätü kertelä ikän, bez şunduq islam dinen uqıtunı da taläp itäçäkbez”, - digän ide. Çınnan da, demokratik cirlektä milli wä dini tigezlek (paritet) saqlanırğa tieş. Älege mäs’älägä Tatarstan xökümäteneñ qaraşın açıqlaw yözennän bez respublikanıñ xökümäte qarşındağı din buyınça şura räise, ğalim Rinat Nabievqa şaltırattıq. Ul bezgä menä närsälär söyläde. AUDİO: (Nabiev küpmillätle, küpdinle däwlättä ber genä dinneñ östen buluı zur problema tudıra, dip sanıy).
XS
SM
MD
LG