Accessibility links

җомга, 9 декабрь 2016, Казан вакыты 03:03

“Ğasırlar awazı” jurnalınıñ III häm IV sanı çıqtı


“Ğasırlar awazı” jurnalınıñ III häm IV sanı dönya kürde. 319 bitlek bu basma tatar tarixınıñ moña xätle kürenmägän serle uramnarına, tıqrıqlarına säyäxätkä alıp kitä. Anı ber uqı başlasañ, dönyañnı onıtasıñ. Çönki biredä yıraq tarix ta, yaqın tarix ta yänäşä, tuğan yaq ta, möhacirlek tä bergä.

Tatarstan prezidentınıñ häm İlham Şaqirovnıñ şäcäräläre, emigrant şağir Äxmät Gäräy şiğerläre, millätebezgä ğömer buyı armıy – talmıy xezmät itkän Ğali Aqış arxivındağı mawıqtırğıç yazmalar – bolar barısı da eş öçen yanıp – köyep yörgän tınğısız jurnalist Damir Şäräfetdinov citäklägän jurnal xezmätkärläreneñ icadi uñışı.

Radio aşa äle genä tabadan töşkän basma turında täfsilläp söyläp tormasaq da bula. Ägär dä buldıra alsağız “Ğasırlar awazın” qulğa töşerep uqığız – räxät mizgellär kiçerersez. Anıñ tirajı – 1200 danä genä.

XS
SM
MD
LG