Accessibility links

дүшәмбе, 5 декабрь 2016, Казан вакыты 21:47

İzrail’ premyer-ministrı Ariel Şaron xalıqara xuplaw tapqan Yaqın Könçığışta tınıçlıq urnaştıru planın möhim tügel dip kire qaqtı.


Uzğan yılnıñ iyün ayında AQŞ Prezidentı George Buş tarafınnan täqdim itelgän bu plan 2005-nçe yılğa Fälestin däwläte tözüne küzdä tota. Quşma Ştatlardan tış bul plannı Russiä, Yewropa Berlege häm Berläşkän Millätlär Oyışması da yaqlap çıqqan ide. Ämma Şaron Amerikan jurnalı Newsweekka bu tınıçlıq planı mäğnäsez häm anı citdi qabul itärgä kiräkmi dide. Şaron fälestin däwläteneñ çikläre turında barı tik Yaqın Könçığıştağı bäreleşlär tulısınça tuqtalğannan soñ ğına söyläşäçägen belderde. Waşingtonnan, Mäskäwdän, Brüssel’dän yäisä BMO idaräsennän Şaronnıñ bu süzlärenä qarata mönäsäbät belderelüe turında xäbärlär älegä yuq. Fälestin yağı isä Şaronnıñ qaraşın tınıçlıq kileşüen buldırmaw häm qanunsız räweştä basıp alınğan Fälestin cirlärendä yähüd bistälären arttıru tırışlığı bularaq bäyäläde.

XS
SM
MD
LG