Accessibility links

Çeçnädän kilgän xäbärlär biredäge Mäskäw yaqlı xakimiät başlığı Äxmät Qadirovqa qarşı tağın ber höcüm äzerlängän buluı turında söyli.


Çeçnä eçke eşlär ministrı Ruslan Tsakayev İtar-Tass agentlığına Groznıyda Qadirov eşkä yöri torğan yulda radio dulqınnarı belän idarä itelä torğan şartlatqıç tabıldı dip belderde. Şartlatqıç artilleriä snaryadlarınnan yasalğan dielä. Tsakayev äytüençä xäzer Russiä iminlek köçläre bu şartlatqıçnı äzerlägän keşelärne ezli. Çeçnäneñ bäysezlege öçen köräşüçe köçlär Qadirovnı xiänätçe dip atadı häm aña qarşı berniçä höcüm omtılışı buldı.
XS
SM
MD
LG