Accessibility links

чәршәмбе, 7 декабрь 2016, Казан вакыты 21:22

BMO qoral tikşerüçeläre citäkçese Hans Blix häm BMO-nıñ atom energetikası agentlığı başlığı Möxämät äl-Baraday bügen Ğiraq başqalasına 2 könlek säfärgä kilde.


27-nçe Ğinwarda alar BMO İminlek Şurasına Ğiraqnıñ qoralsızlanu mäs’äläsendä üz östenä alğan yöklämälären niçek ütäwe turında xisap tapşıraçaq. Blix belän äl-Baraday bu säfär älege xisapnı äzerläw öçen bik möhim dip belderde. Bağdadqa quzğalır aldınnan Blix Ğiraq ğalimeneñ yortında atom-töşe turında dokumentlar tabılu borçılu uyata dide. Anıñ äytüençä bu tabıldıq başqa möhim dokumentlar da yäşerelmime digän soraw quzğata. Blix Ğiraq üzeneñ qoral programmaları turındağı barlıq dokumentlarnı da açarğa tieş dide. “Dönya Ğiraqnıñ küpläp üterü qorallarınnan azat buluın tögäl belergä teli, häm tikşerüçelär monı açıqlamıy torıp bez İminlek Şurasına bu turıda xisap birä almıybız” dide Blix. Atom qorallarında qullanıla torğan bayıtılğan uran turında 3000 bitlek dokumentlar tabıluı turındağı xäbärlär uñayınnan äl-Baraday da borçılu belderde. Ğiraq Ğalime Fäläx Xäsän bu dokumentlar belän Ğiraqnıñ elekke atom qoralları programması arasında bernindi bäyläneş tä yuq dip täqrarlıy.

XS
SM
MD
LG