Accessibility links

сишәмбе, 6 декабрь 2016, Казан вакыты 03:50

Tatarstan tele-radiokompaniäseneñ elekke räise İrek Mortazin Minskiğa küçep kitä


Üktäber ayında, Mäskäwdäge “Nord-Ost” tamaşasın qararğa kilüçelär totıq itep alınğan könne, Tatarstan televideniese aşa Çeçnyadağı suğış turında törle keşelär üz fikerlären äytkän ide. Tapşırunı alıp baruçı İrek Mortazin tele-radiokompaniäneñ räise bularaq awır xälgä qaldı. Elek üze eşlägän “Vesti” programmasınnan kilep, Mortazinnıñ elekke xezmättäşe Yuriy Medvedev Tatarstannı faş itkän tapşıru äzerlägän ide. Bu RTR kompaniäsenä östän birelgän kürsätmä buyınça Tatarstannıñ abruyın töşerer öçen eşlände. Mortazinnıñ elek birgän ğarizasına imza quyılıp, ul Tatarstan tele-radiokompaniäse räise wazıfasınnan çigende. İke aydan artıq Mortazin eşsez yörde. Nihayät, aña eş täqdim itkännär. İñ qızığı şul, Mortazin belän kontraktnı şul uq RTR telekanalı tözegän. Medvedev belän Mortazinnıñ yazmışı tağın ber qat kiseşte. Şuşı arada Medvedev RTR kanalınıñ Minskidağı xäbärçelek punktı mödire bulıp kitärgä tieş bulğan. Läkin xäzer bu däräcäle häm cawaplı urınğa Medvedev tügel, ä İrek Mortazin bilgelängän. Berniçä könnän ul Minskiğa barıp, Belarus belän Rusiä säyäsi manevrları turında reportajlar birügä kereşäçäk. Kiräk bulğan waqıtta, bu xäbärçelek punktı Pol'şa häm Baltik buyı respublikalarına da küz salaçaq.

XS
SM
MD
LG