Accessibility links

якшәмбе, 11 декабрь 2016, Казан вакыты 09:04

Milan Milutinoviç Haaga Tribunalına kilde


Serbiäneñ elekke prezidentı Milan Milutinoviç Xalıqara suğış cinäyätläre tribunalı aldına basır öçen bügen Haagağa kilde. Yugoslaviäneñ Justitsiä Ministrlığı belderüendä äytelgänçä, Milutinoviçnıñ üz ixtiarı belän baruwı, başqalar öçen ürnäk bulıp tora. Slobadan Miloşeviçnıñ yaqın tarafdarı bulğan Milutinoviç 1998-99-nçı yıllarda Kosovoda, albannarğa qarata “etnik tazartu” säyäsäte alıp baruda ğäyeplänä. Läkin Milutinoviç, ul waqıtta serb ğäskärläre miña buysınmıy ide, dip,- ğäyepläwlärne kire qağa. Uzğan yıl axırına qädär Milutinoviç Serbiäneñ prezidentı bulıp tordı, şul säbäple räsmi Belgrad anı tapşıru turında säyläşülärne kire qağıp kilde. Yugoslaviä häm Serbiä räsmiläre – 60-yäşlek Milutinoviç, xökem itelgänçe, irektä qalır dip ömetlänä. Azatlıq radiosınıñ “andıy kileşü barmı?” digän sorawına, tribunal süzçese, cawap birüdän totılıp qaldı.

XS
SM
MD
LG