Accessibility links

пәнҗешәмбе, 8 декабрь 2016, Казан вакыты 23:15

Nord-Ost qorbannarı advokatı İgor Trunov prokuratura sorawlarınaa cawap birüdän baş tarttı


Mäskäw teatrında totıq alu waqıtında qorban bulğannarınıñ advokatı İgor Trunov bügen sorawlarğa cawap birü öçen Mäskäw prokuraturasına çaqırıldı. Trunov süzlärençä, aña totıq alu waqıtında töşerelgän videotasma turında sorawlar birgännär. Älege tasmanı ul Mäxqämä utırışı waqıtında kürsätergä teli. Trunov sorawlarğa cawap birüdän baş tartqan. Prokuraturanıñ bu adımın ul annan şahit yasaw niäte dip atadı. Şahit bulğan oçraqta, min advokat bula almıym, dide ul.

Totıq alu qorbannarınıñ şikäyätläre Mäskäw mäxkämäsendä uzğan pänceşämbedä tikşerelä başladı. Barlığı 60-tan artıq şikäyät birelgän. Totıq alu waqıtında qorban bulğannarnıñ tuğannarı, Mäskäw xökümäten kilgän zıyan öçen kompensatsiä taläp itä. Dägwalarnıñ küläme 60 million dollar çaması. Uzğan yılnıñ üktäberendä Mäskäwneñ Dubrovka teatr üzägendä totıq itep alınğan keşelärneñ 120-dän artığı xäläk buldı. Alarnıñ kübese Rusiä xärbiläre qotqaru operatsiäse waqıtında qullanğan ağulı gazdan ülde.

XS
SM
MD
LG