Bügen yasağan radio-çığışında Görciä prezidentı Eduard Şevarnadze tınıçlıq saqlaw köçläreneñ xäzer kitüwe döres tügel, töbäktä kierenkelek tuaçaq, Görciä bu wazğiätne üze genä kontrol itä almıy, dip äytte. Şevarnadzenıñ bu süzläre uzğan atna yasağan belderüeneñ näq kirese bulıp tora. Uzğan atnada ul, ägär Mäskäw Abxaz separatislarına Rusiä pasportları öläşüen tuqtatmasa, Abxaziädä torğan Rusiä xärbiläreneñ möddäten ozaytmayaçağın beldergän ide.
