Salix Säydäşevkä häm Qol Ğäligä quyılaçaq häykällär tiräsendä tatar humanitar universitetı da urnaşaçaq, dielde. Ä “Şähri Qazan” gazetı sişämbe sanında milli universitetqa çirattağı adım yasaldı, dip yazıp çıqtı. Älege yazmada küptän tügel premyer-ministr Röstäm Miñnexannovnıñ, Qazan xakimiäte başlığı Kamil İsxaqovnıñ häm arxitektura toraq-kommunal xucalıq ministrlığı citäkçeläreneñ Tatar däwlät humanitar institutı xucalığı, binaları belän tanışıp yörüläre turında äytelä. Bu tikmägä genä tügel ikän. Humanitar institut nigezendä milli universitet oyıştıru farazlana. Aña Tuqay mäydanındağı “Tatenergo” berläşmäsennän buşağan binanı birü qaralğan.
