Accessibility links

якшәмбе, 4 декабрь 2016, Казан вакыты 07:06

Könyaq Korea Tönyaq Koreanı atom programmasınnan waz kiçergä çaqıra


Könyaq Korea premier-ministrı Kim Suk-Soo Tönyaq Koreanı atom programmasın yabarğa çaqırdı. Bu süzlären ul ike Korea räsmiläreneñ bügen Seulda açılğan 4 könlek oçraşuında äytte. Tönyaq Korea, atom programması tiräsendäge qarşılıq -Quşma Ştatlar häm Tönyaq Korea mäsäläse, başqa illärneñ moña qatışuwı wazğiätne qatlawlandıraçaq, dip sanıy.

Tönyaq Korea delegatsiäse citäkçese Kim Ryong-Song Quşma Ştatlarnıñ Pxenyannı izolätsiädä qaldıru tırışlığına ike Korea bergäläp qarşı torırğa tieş, dip belderde:

Audio

Ägär bez köçlärne berläştersäk, Korea yarımutrawına yaz tizräk kiläçäk.

Quşma Ştatlar däwlät sekretare urınbasarı John Bolton Tönyaq Koreanııñ atom programması mäsäläsen Berläşkän Millätlär Oyışması qaramağına çığaru niäten tağın ber qabatladaı. Bügen ul da söyläşülär alıp baru öçen Seulğa kilde.

Pxenyanda 3 kön säyläşülär alıp barğan Rusiä Tışqı eşlär ministrı urınbasarı Aleksandr Losyukov älege wazğiätkä diplomatik çişeleş tabılır digän ömet belderde.

XS
SM
MD
LG