Accessibility links

дүшәмбе, 5 декабрь 2016, Казан вакыты 13:38

Ğiraqta eşläwçe qoral tikşerüçelär tağın berniçä ay sorıy


Xalıqara Atom Energiä Agentlığı başlığı Möxämmät Äl-Baradei Ğiraqta eşlägän qoral tikşerüçelärgä eşlären tämamlaw öçen tağın berniçä ay kiräk bulaçaq, dip belderde. BMOnıñ baş qoral inspektorı Hans Blix, Ğiraqnıñ xisabı küp kenä möxim sorawlarğa cawap birmi, alar äle dä cawapsız qala, dip äytte:

Audio

Bu belderülären Blix belän Äl-Baradei bügen Gretsiä başqalası Afenda yasadı. Kiläse düşämbedä alar BMOnıñ İminlek Şurasında xisap totırğa cıyına. Ägär Ğiraq qoralsızlanırğa telämäsä, Quşma Ştalar häm Britaniä köç qullanu belän yanıy. Britan premier-ministrı Tony Blair bügen Parlamentta çığış yasap, Ğiraqnıñ, krizistan çığu öçen berdän-ber yulı bar, ul da bulsa qoralsızlanu, Saddam Xösäinneñ moña şige qalmasqa tieş, dide.

Räsmi Bagdad küpläp üterü qoralı buluın kire qağa. Bügen Ğiraq vitse-prezidentı Taha Yassin Ramadan:

Audio

Ğiraqnıñ BMO inspektorları belän xezmättäşlek itüenä qaramastan, Quşma Ştatlar Ğiraqnı basıp alu xıyalı belän mäşğül.

Törkiä xökümäte Ğiraq mäsäläsenä tınıç çişeleş tabu maqsatı belän, pänceşämbedä Misır, Süriä, İran, Söğüd Ğäräpstanı häm Jordan räsmiläre belän säyläşü ütkärergä cıyına.

XS
SM
MD
LG