Accessibility links

Кайнар хәбәр

Yevropa Berlege Germaniäne büdjet defitsitın kimetergä çaqıra


Yevropa Berlege illäre Finans ministrları bügen Brusseldä ütkän oçraşuda, büdjet defitsitı tieşennän kübräk bulğan Germaniägä kisken tänqit belderde. Yevro zonasınıñ Totrıqlılıq häm Üseş kileşüendä äytelgänçä, büdjet defitsitı 3 protsenttan artmasqa tieş. Germaniädä ul xäzer 3.75 protsent täşkil itä. Bügen ütkän oçraşuda ministrlar Germaniäne defitsitnı kimetü öçen çaralar kürergä, berençe çiratta xezmät bazarında üzgäreşlär başqarırğa öndäde. Yuq isä Germaniägä berniçä million dollar külämendä ştraf yanıy. Yevropa Komissiäse bu çaralarnı 21 Mayğa qädär bilgelärgä soradı. Germaniä – Yevropa Berlegeneñ mondıy xälgä qalğan inde ikneçe ile. Berençese – Portuğaliä ide. Bügenge oçraşuda şulay uq Fransiägä kisätü yasaldı. Uzğan yıl anıñ büdjet defitsitı 2.8 protsent täşkil itte.
XS
SM
MD
LG