Accessibility links

сишәмбе, 6 декабрь 2016, Казан вакыты 06:03

Aslan Masxadov Könbatışnı Çeçnyağa küz yomuda ğäyepli


Çeçnya prezidentı Aslan Masxadov, Rusiäneñ, çeçennarnı terorçılıqta ğäyepläwenä qaramastan, çeçennar bäysezlek öçen köräştä terorçılıq yulına basmasqa tieş, dip belderde. Masxadov Frans Press agentlığı birgän sorawlarğa cawapların audio-tasmağa yazıp cibärgän. Anıñ süzlärençä, Rusiä citäkçeläre çeçennarnıñ bäysezlek öçen köräşen xalıqara terorçılıq belän bäylär öçen çığırdan çığa. Masxadov Könbatış illären Çeçnya qayğısına küz yomuda ğäyepli. Anıñ süzlärençä, Könbatış illär, üz maqsatlarına ireşü öçen Rusiä belän uyn uynağanda, Çeçnyanı almaş aqçası itep qullana.

Çeçnyadan kilgän xäbärlärgä qarağanda, bügen irtän Şali rayonında Federal köçlär häm ber distä çeçen suğışçıları arasında bäreleş bulğan. İke çeçen suğışçısı üterelgän, ber Rusiä xärbie xäläk bulğan, 4-se yaralanğan dielä. Uzğan töndä Groznıda ike ofitser awır yaralar alğan. Şähärneñ Oktäberski rayonında alarnıñ maşinasına ut açılğan. Bezneñ xäbärçebez äytüençä, Vedeno, Nojay-Yort, Kurçaloy rayonnarında, suğışçılar belän bäyle buluda ğäyeplänep, 20-dän artıq cirle keşe qulğa alınğan.

XS
SM
MD
LG