Accessibility links

пәнҗешәмбе, 8 декабрь 2016, Казан вакыты 05:07

Käşifä Tumaşeva tuuına 100 yıl tula


Kärim Tinçurin isemendäge tatar däwlät drama häm komediä teatrı isä 24 ğinwar könne barlıq teatr söyüçelären Käşifä Tumaşevanı iskä alu kiçäsenä çaqıra. Älege kiçä tanılğan diktor, pedagog, tatar teatr sänğäte dönyasınıñ berençe häm berdän-ber professional xatın-qız rejisserı Käşifä Tumaşevanıñ tuuına 100 yıl tulu uñayınnan ütkärelä. Baltaç rayonınıñ Nönägär awılında tuıp üskän Käşifä 1926 yılda Qazan teatr texnikumın, ä 1939 yılda Mäskäw teatr institutınıñ rejisserlıq bülegen tämamlıy. Şul uq yılnı ul Tatar akademiä teatrına rejisser itep bilgelänä. 1955 yıldan Käşifä xanım respublika Küçmä teatrınıñ baş rejisserı bulıp eşli başlıy. Käşifä Tumaşeva çit il klassik dramaturgiäsennän Şekspirnıñ «Romeo häm Djul'yetta», «Korol' Lir», tatar klassiklarınnan Ğäliäskär Kamalnıñ «Bankrot», «berençe teatr», Mirxäydär Fäyzineñ «Ğäliäbanu», «Aq qalfaq», Näqıy İsänbätneñ «Xuca Nasretdin», Ğata Minskinıñ «Tapşırılmağan xatlar», rus klassik dramaturgiäsennän Nikolay Ostrovskiy, Anton Çexov kebek yazuçılarnıñ p'yessaların häm başqa bik küp äsärlärne säxnäläştergän rejisser. 24 ğinwar könne Tinçurin teatrında ütäçäk kiçädä Käşifä Tumaşevanıñ tormış yulı, tatar teatrın çın professional däräcägä kütärü öçen quyğan xezmäte turında söylänäçäk, ul säxnäläştergän spektakl'lärdän özeklär kürsäteläçäk.

XS
SM
MD
LG