BMO diplomatları Genevadağı yuğarı däräcä oçraşu näticäsendä Gruziä belän Abxaziä arasında söyläşülärne yañartuğa ireşep bulır dip isäpli. BMO räsmiläre äytüençä älege ğäyre räsmi oçraşu BMO tınıçlıq saqlawçıları başlığı Jean-Marie Guehenno citäkçelegendä 19-nçı 20-nçe fevrallärdä ütäçäk. Anda General’ Sekretarneñ Gruziä öçen Duslar törkeme illäreneñ wäkilläre qatnaşa. Diplomarlar äytüençä, qatnaşuçılar arasında Britaniäneñ maxsus wäkile Brian Fall, AQŞ wäkile Rudolf Perina, Russiä wäkile, tışqı eşlär ministrı urınbasarı Valeriy Loççinin, şulay uq, Fransiä, Germaniä häm Bolğarstan tışqı eşlär ministrlığınıñ yuğarı wäkilläre dä bulaçaq. Uzğan atnada BMO general’ sekretare Kofi Annan Abxaziä mäs’äläsendä tärräqiät bulmawğa borçılu belderep şuşı söyläşüne ütkärergä çaqırğan ide. Annannıñ süzçese Fred Eckhard Abxaziäneñ BMO İminlek Şurası xuplağan qağidälär nigezendä söyläşüdän baş tartuına borçılu belderde.
AUDİO: General’ Sekretar’ maxsus wäkilläreneñ häm Duslar törkemeneñ ber yıl buyı zur tırışlıq kürsätüennän soñ da Gruziä-Abxaziä nizağındağı taraflarnıñ söyläşülär başlawğa yaqınraq kilä almawı turında äytä. Bigräk tä Abxaz yağı, xätta nigez bulırğa tieşle qağidälär nigezendä söyläşülärne başlawdan da baş tarta.
BMO diplomatları säyäsi kileşügä ireşü tırışlıqları distä yıl çaması tuqtalıp torğannan soñ Geneva oçraşuında zur tärräqiät kötärgä kiräk tügel dip belderä. Şulay da, alar äytüençä, Geneva oçraşuı BMO tarafınnan söyläşülärneñ nigeze bularaq täqdim itelgän dokumentqa yañadan iğtibar cälep itärgä mömkin. Boden dokumentı dip atalğan bu dokument Abxaziäne Gruziäneñ maxsus avtonomiägä iä bulğan ber öleşe itep küzallıy.
Gruziäneñ BMOdağı ilçese Revaz Adamia Geneva oçraşuın uñay adım dip bäyäläde.
AUDİO: Ğömümän alğanda bu bik uñay ğämäl, çönki bu Yewropa başqalalarında Abxaz mäs’äläsenä iğtibarnı arttıraçaq, gärçä min bu oçraşu üze genä nizağnı çişüdä uñay rol’ uynıyaçaq dip ışanıp äytä almıym. Ämma anıñ mäğnäse ul başqalalardağı yuğarı däräcä säyäsätçelärne häm qararlar çığaruçılarnı cälep itü, häm bu yaxşı bulaçaq.
Duslar törkeme äğzaları xäzer Gruziäne Abxaziädäge Russiä citäkçelegendäge tınıçlıq saqçılarınıñ möddäten ozaytırğa çaqıra. 1994-nçe yıldan birle Abxaziädä DBD qanatı astında eşläwçe 1800-läp tınıçlıq saqçısı tora. Uzğan atnada Gruziä Prezidentı Eduard Şevardnadze Russiä Abxaziädä yäşäwçelärgä passportlar birü häm Tbilisi röxsätennän başqa Abxaziägä timer yul suzu turındağı qararların ğämäldän çığarmıy torıp tınıçlıq saqlaw kileşüen yañartmıyaçağın beldergän ide.
Adamia bu mäs’älälär kiläse atnada BDB citäkçeläreneñ Ukrainada ütäçäk ğäyre räsmi oçraşuına qädär çişeler dip ömetlänüen äytte. Anda Şevardnadze Russiä Prezidentı Vladimir Putin belän oçraşıp söyläşer dip kötelä. Adamia äytüençä kiläse atnada BMOnıñ Abxaziädäge 115 keşelek küzätüçelär törkeme möddäte ozaytılaçaq oçraşuda Gruziä üzen borçığan mäs’älälärne tağın kütäräçäk. Gruziä Russiägä qarata zarların uzğan közdä BMOnıñ Ğömümi Ciınında da, İminlek Şurasında da beldergän ide.
Naif Aqmal, Praga
AUDİO: General’ Sekretar’ maxsus wäkilläreneñ häm Duslar törkemeneñ ber yıl buyı zur tırışlıq kürsätüennän soñ da Gruziä-Abxaziä nizağındağı taraflarnıñ söyläşülär başlawğa yaqınraq kilä almawı turında äytä. Bigräk tä Abxaz yağı, xätta nigez bulırğa tieşle qağidälär nigezendä söyläşülärne başlawdan da baş tarta.
BMO diplomatları säyäsi kileşügä ireşü tırışlıqları distä yıl çaması tuqtalıp torğannan soñ Geneva oçraşuında zur tärräqiät kötärgä kiräk tügel dip belderä. Şulay da, alar äytüençä, Geneva oçraşuı BMO tarafınnan söyläşülärneñ nigeze bularaq täqdim itelgän dokumentqa yañadan iğtibar cälep itärgä mömkin. Boden dokumentı dip atalğan bu dokument Abxaziäne Gruziäneñ maxsus avtonomiägä iä bulğan ber öleşe itep küzallıy.
Gruziäneñ BMOdağı ilçese Revaz Adamia Geneva oçraşuın uñay adım dip bäyäläde.
AUDİO: Ğömümän alğanda bu bik uñay ğämäl, çönki bu Yewropa başqalalarında Abxaz mäs’äläsenä iğtibarnı arttıraçaq, gärçä min bu oçraşu üze genä nizağnı çişüdä uñay rol’ uynıyaçaq dip ışanıp äytä almıym. Ämma anıñ mäğnäse ul başqalalardağı yuğarı däräcä säyäsätçelärne häm qararlar çığaruçılarnı cälep itü, häm bu yaxşı bulaçaq.
Duslar törkeme äğzaları xäzer Gruziäne Abxaziädäge Russiä citäkçelegendäge tınıçlıq saqçılarınıñ möddäten ozaytırğa çaqıra. 1994-nçe yıldan birle Abxaziädä DBD qanatı astında eşläwçe 1800-läp tınıçlıq saqçısı tora. Uzğan atnada Gruziä Prezidentı Eduard Şevardnadze Russiä Abxaziädä yäşäwçelärgä passportlar birü häm Tbilisi röxsätennän başqa Abxaziägä timer yul suzu turındağı qararların ğämäldän çığarmıy torıp tınıçlıq saqlaw kileşüen yañartmıyaçağın beldergän ide.
Adamia bu mäs’älälär kiläse atnada BDB citäkçeläreneñ Ukrainada ütäçäk ğäyre räsmi oçraşuına qädär çişeler dip ömetlänüen äytte. Anda Şevardnadze Russiä Prezidentı Vladimir Putin belän oçraşıp söyläşer dip kötelä. Adamia äytüençä kiläse atnada BMOnıñ Abxaziädäge 115 keşelek küzätüçelär törkeme möddäte ozaytılaçaq oçraşuda Gruziä üzen borçığan mäs’älälärne tağın kütäräçäk. Gruziä Russiägä qarata zarların uzğan közdä BMOnıñ Ğömümi Ciınında da, İminlek Şurasında da beldergän ide.
Naif Aqmal, Praga