Accessibility links

чәршәмбе, 7 декабрь 2016, Казан вакыты 13:34

Lord Frank Judd İnguşetiägä kilde


Yevropa Şurasınıñ Çeçnyadağı xällärne küzätüçe maxsus wäkile lord Frank Judd bügen İnguşetiägä kilep, qaçaqlar lagerında yäşägän keşelär belän oçraştı. Bezneñ xäbärçebez äytüençä, qaçaqlar üzläreneñ qıyırsıtıluwına zarlanğan. Çatır lagerlarda humanitar yärdäm citmäw, gaz häm elektrnıñ özelüwe turında söylägän. Qaçaqlar äytüençä, räsmilär alarnı kire Çeçnyağa qaytarırğa tırışa.

Kiçä Judd Çeçnyada buldı, häm cirle räsmilär belän Mart ayında konstitutsiä mäsäläsendä bulaçaq referendum turında söyläşte. Judd, referndumğa qädär xalıqnı yaña konstitutsiäneñ eçtälege belän tanıştırrığa öndäde. Älege Konstitutsiädä, Çeçnyanıñ Rusiäneñ “ayırılğısız” öleşe bulaçağı qaralğan.

Kiläse atnada Lord Judd Yevropa Şurasında xisap totırğa cıyına. Küptän tügel Rusiäneñ keşe xoquqların yaqlawçı Memorial törkeme Yevropa Şurasınıñ Çeçnyadağı eşçänelegen “citdi tügel” dip bäyälägän ide.

XS
SM
MD
LG