Tatarstanda neft ölkäse iqtisadnıñ iñ tabışlı tarmağı bulıp qala. Şuşı könnärdä, Tatarstan xökümätendä ütkärelgän cielışta neft häm ximiä şirkätläre ütkän yıldağı eş näticäläre belän tanıştırdı. Mäsälän, ütkän 2002 yılda bu ölkädä citeşterü küläme 420 milliard sum täşkil itkän. Ximiä tarmağında eş itüçe qorılışlar citeşterü külämen 122%, 115% qädär, qaysıları xätta ike tapqırğa arttırğan. Tatarstannıñ iqtisad häm sänäğät ministrı urınbasarı Färit Tuqtarov beldergänçä, neft-ximia tarmağında bıyıl, investitsiä proyektların tormışqa aşıru 1 meñgä yaqın yaña eş urının buldırırğa, citeşterüne artırırğa, häm törle büdjetlarğa 430 million sum tabış küçererğä mömkinlek biräçäk. Bu xaqta Tatcenter.ru digän yaña açılğan internet säxifäse xäbär itte.
