Accessibility links

чәршәмбе, 7 декабрь 2016, Казан вакыты 19:27

«Respublika qaznasın bayıtam disäñ, benzinnı üzebeznekelärdän al»


Yağulıq aksızların yañaça alu tärtibe Tatarstan xökümäten, şulay uq, borçuğa sala. Bu bik qatlawlı yañğırağan cömlä artında, benzin xaqları artu mömkinlege kebek bik ğadi närsä yäşerengän. Rusiä salım kodeksına kertelgän üzgäreşlär üz näticälären birä başladı. Elek, ul salım neft citeşterüçelärdän alına ide, xäzer - aksızlarnı neft satuçılar tüli. Näticädä bäyälär arta, häm aqçalar çitkä kitä. Bu aksız respublika öçen bik möhim, çönki ul cirle büdjetnı tulılandıra. Premier-ministr Röstäm Minñexanov yağulıq satu belän şögellänüçe şirkätlärne neftne “Tatneft” häm “Tatnefteprodukt” oyışmalarınnan ğına satıp alırğa çaqırdı. Alay aksız respublikada qalaçaq ikän.

Benzin häm başqa tör yağulıq satuçılar, üz çiratında, “Tatneft” kebek zur şirkätne, kütärä almaslıq bäyälär quyuda gäyepläde. Respublika xökümäte citäkçese ike yaqnı tıñlap, alarnı kileşerğä çaqırdı. “Tatneft” şirkäte wäkile beldergänçä, bu oyışma respublikanıñ yağulıq ixtiacın 100%-ka qaplıy ala. Kiräk bulsa, bu neft şirkäte Başqortstandağı qorılışta eşkärtelä torğan neftneñ külämen 400 tonnaga qädär artıra ala ikän. Läkin bu ğına mäsäläne xät itmi, çönki Tatarstanğa 600 tonna kirek.

Premier-ministr beldergänçä, bu aksıznı yañaça alu ğämäle arqasında alda awırlıqlar kilep çığarğa, neft bazarında añlaşılmawçanlıq barlıqqa kilerğä mömkin. “Tatneft” kebek ere däwlät şirkäte häm neftne satuçı keçe, urta biznes wäkilläre arasındağı qarşılıqnı, häm dä neft öçen alına torğan salımnı respublika büdjetında qaldıru mäsäläsen premier urınbasarı Vladimir Şvtestov citäkçelegendäge komissiä xäl itärğä tieş. 3 fevraldä “Tatneft” oyışmasınıñ aksionerlar utırışında bäylär mäsäläsenä dä açıqlıq kerer dip kötelä.

XS
SM
MD
LG