Accessibility links

җомга, 9 декабрь 2016, Казан вакыты 20:19

Xacğa baruçı Tatarstan mäselmannarı Ğıraqnı urap uzaçaq


Pänceşämbe, 23 ğınvar könne, Tatarstannan 64 möselman xacğa kitte. Alar arasında 35 xatın-qız, 29 ir-at. Tatarstan diniä näzaräteneñ İdel-xac bülege belgeçe Aygöl Fäyzieva xäbär itkänçä, ütkän yıl belän çuqıştırğanda, bıyıl, xacğa ike tapqır kübräk möselman kitkän. Dönya küläm terrorğa qarşı alıp barılğan köräş tä, bu säfärne oyıştıruğa üz tä’siren yasağan. Ğäräplär, pıçaq kebek oçlı äyberlärne ilğä alıp kerergä röxsät itmägän, ämma säfärneñ 1 ay tiräse däwam itüe säbäple, oyıştıruçılar, xac qıluçılarnıñ ipi kisä torğan keçkenä pıçaq aluları belän rizalaşqan. Ütkän yılnı, 1 täwlek çaması Ğiraq çigendä totqarlanu säbäple häm bu ildä wäzğıät tınıç bulmağanğa kürä, bıyıl, xacğa baruçılarnıñ 2 avtobusı Ğiraqnı urap uzaçaq. Alar Rusiä-Äzerbäycan-Törkiä-İran-İordaniä aşa Sögüd Ğäräpstanına ütäçäk. Ä 4 fivral könne Mäkkägä tağın 114 keşe oçaçaq. Xacğa barunı oyıştıruçılar yıldan yıl täcribä tuplıy bara. Mäsälän, bu yılğı säfärdä tabip ta qatnaşaçaq, anıñ yul xaqın xökümät tülägän. Ul avtobustağı ölkän yäştäge keşelärne küzätep, alarğa yärdäm kürsätergä tieş. Xacğa baruçılar arasında iñ yäş keşe, Samar ölkäsennän kilgän, Änwär isemle şäkert. Aña barı tik 16 yäş, iñ qart säfär qıluçı Xänäfi Soltanovqa 77 yäş.

XS
SM
MD
LG