Accessibility links

якшәмбе, 11 декабрь 2016, Казан вакыты 03:21

Yaqtaşıbız ürnäk kürsätä


RTR telekanalı pänceşämbedä yaqtaşıbız mäşhür ğalim Roald Säğdievnıñ Rossiä prezidentı Vladimir Putin belän oçraşuın kürsätte. Küräseñ, bu söyläşü ike yaq öçen dä möhim bulğanğa, telekanal aña çağıştırmaça baytaq waqıt birde. Törle mäsälälär arasında söyläşüdä Qazan teması da qalqıp çıqtı. Älege süjet Qazan respublika citäkçeläreneñ, bigräk tä Şveytsariädä yal itüçe Tatarstan prezidentı yöräklärenä may bulıp yatqandır. Çönki Roald Säğdievnıñ Qazan maturlanğan, anda zur tözeleş bara digän süzlären qüätläp, Vladimir Putin, Qazannıñ 1000-yıllıq yubilee Tatarstan öçen genä tügel, ä böten Rossiä öçen ähämiätle, dip belderde. Ä inde ğalimneñ Qazanğa kilgändä, poyezd täräzäsennän kürgän Qol-Şärif mäçete belän soqlanuına quşılıp, Rusiä prezidentı respublika citäkçelegenä tağın ber kompliment äytte. Kremldä mäçet belän yänäşä çirkäw dä yañartıla, dide Vladimir Putin. Anıñ fikerençä, respublika citäkçelege millätara, dinara mönäsäbätlärne, ber-bereñne xörmät itü nigezendä köyläp bara. Şul uq oçraşuda Mintimer Şäymiev äydäp barğan tuzğan toraqtan yaña fatirlarğa küçü programması da yaqlaw taptı, diärgä bula.

Çit ildä yäşäp tä, tuğan tufraqnı, tuğan ilne onıtmağan, aña xezmät itüen däwam itkän millättäşebezneñ matur ürnäge, nigä bezgä çit il tatarları kiräk digän sorawğa tögäl cawap birä kebek.

Damir Ğısmetdin, Qazan

XS
SM
MD
LG