Accessibility links

якшәмбе, 4 декабрь 2016, Казан вакыты 13:14

Waşington, Ğiraqnıñ küpläp üterü qoralı turında bik ışanıçlı dälillär bar, dip belderde


Quşma Ştatlar däwlät sekretare urınbasarı John Bolton, Ğiraqnıñ küpläp üterü qoralı turında, bezdä bik ışanıçlı dälillär bar, dip belderde:

Audio

Ğiraqnıñ küpläp üterü qoralı häm yıraq-ara ballistik raketalar citeşterüe turında bezdä bik ışanıçlı dälillär bar, di Bolton. Bu qoral 1991 yılda qabul itelgän 687-nçe rezolutsiä nigezendä tıyılğan.

Bolton süzlärençä, Waşingon, waqıtı citkäç, bu dälillärne açıp salaçaq. Ğiraq üz ixtiarı belän qoralsızlanmasa, Quşma Ştatlar aña qarşı köç qullanu belän kisätä. Räsmi Bagdad üzendä andıy qoral buluın kire qağa. Kiläse düşämbedä BMOnıñ qoral inspektorları İminlek Şurasında xisap totaçaq. İminlek Şurasınıñ berniçä äğzası Ğiraqta xärbi kompaniä başlawğa qarşı çığa.

Quşma Ştatlar däwlät sekretare Colin Powell, Quşma Ştatlar inspektorlar xisabın iğtibar belän tıñlıyaçaq, läkin İnimlek Şurasınıñ yaña rezolutsiäsen kötep tormasqa mömkin, dip belderde. Powell süzlärençä, Quşma Ştatlar xärbi operatsiä başlasa, başqa illärneñ aña quşılaçağına ul şiklänmi.

XS
SM
MD
LG