Accessibility links

сишәмбе, 6 декабрь 2016, Казан вакыты 21:01

Pxenyan: sanksiä kertü – suğış iğlan itü bulaçaq


Quşma Ştatlar däwlät sekretare urınbasarı John Bolton, Quşma Ştatlar, BMOnıñ İminlek Şurası Tönyaq Korea atom programması mäsäläsen yaqın arada tikşerügä alır dip kötä, läkin, Pxenyanğa aşığıç sanksiälär kerergä taläp itmäyäçäk, dip belderde:

Audio

Älegä, törle çaralar tikşerelä, sanksiä mäsäläse ul qädäre aşığıç tügel, di Bolton. Küp närsä Tönyaq Koreanıñ üz qulında. Ägär ul atom programmasın yabu yünäleşendä konkret adımnar yasasa, bu – yaxşı başlanğıç bulaçaq.

Tönyaq Korea sanksiälär kertelgän oçraqta, bu – suğış iğlan itü bulaçaq, dip kisätä. Uzğan atna Pxenyanda söyläşülär alıp barğan Rusiä Tışqı eşlär ministrı urınbasarı Aleksandr Losyukov, bu mäsäläne İminlek Şurasına çığarırğa äle irtä, Tönyaq Korea monı üzenä basım itep qabul itäçäk, dide:

Audio

Bügen Könyaq Korea Pxenyanğa üzeneñ wäkilen cibäräçägen belderde. Moña qädär räsmi Pxenyan, bu mäsäläne, barı tik Quşma Ştatlar belän xäl itep bula, dip kilä ide, läkin xäzer kürşeläre belän dä söyläşergä rizalıq birde.

XS
SM
MD
LG