Uzğan töndä Fälestin suğışçıları İsraelneñ 3 xärbien ütergännän soñ, bügen İsrael Ğaza sızığına hawa xöcüme yasadı. Hebron şähärendä, İsrael patrulenä bulğan xöcüm öçen Hamas törkeme cawaplılıqnı üz östenä aldı häm monı, İsrael Fälestin däwläten tözügä qarşı çıqqan öçen, üç alu dip añlattı. İsraelneñ hawa xöcüme waqıtında, Rafah qaçaqlar lagerında berniçä yort häm timer şirkäte utqa totıldı, 2 Fälestinle xäläk bulğan. Moña cawap itep Hamas törkeme Gazadan İsrael yağına 5 raketa attı. Qorbannar turında xäbär itelmi.
