Accessibility links

якшәмбе, 22 гыйнвар 2017, Казан вакыты 00:57

Äfğänstan tışqı eşlär ministrı Abdulla Abdulla Ğiraqqa qarşı suğış dönya cämäğätçelegeneñ iğtibarın Äfğänstannan citkä borırğa mömkin digän borçılu belderde.


Abdulla Dönya İqtisadıy Forumında jurnalistlarğa Äfğänstan iqtisadnı tergezü häm iminlek urnaştıru eşendä tärräqiätkä ireşä, ämma monıñ däwam itüe cittän nıqlı yardäm buluğa bäyle dide. Abdulla, şulay uq, Ğiraqqa qarşı suğış näticäsendä Äfğänstanda totrıqlılıq betärgä häm terrorçı törkemnär totrıqsızlıqtan faydalanırğa mömkin dip äytte. Ul Äl-Qaidä terror çeltäre bu suğışnı terror oyıştıru öçen faydalanırğa tırışırğa mömkin dide. Abdulla Ğiraqta suğış bulğan oçraqta Ğiraq xalqına üzbilgelänü xoquqın kire qaytarıp alu mömkinlege birä torğan wäzğiät barlıqqa kiler dip ömetlänüen belderde.

XS
SM
MD
LG