Accessibility links

пәнҗешәмбе, 8 декабрь 2016, Казан вакыты 17:20

Könyaq Korea Prezidentı Kim Dae-juñ Russiä prezidentı Vladimir Putin belän telefon aşa Tönyaq Koreanıñ atom programması tiräsendäge kierenkelek turında söyläşte.


Könyaq Korea Prezidentınıñı iminlek kiñäşçese äytüençä Putin bu krizisnı çişüdä yardäm wäğdä itkän. İke prezident şulay uq Russiä wäkileneñ bu atnadağı Tönyak Korea säfäre näticäläre häm Könyaq Korea wäkilläreneñ kiläse atnada Tönyaq Koreağa bulaçaq säfäre turında söyläşkän. Bügen Könyaq Korea Xalıqara Atom Energetikası Agentlığınıñ 3-nçe Fevral’gä bilgelängän ğädättän tış oçraşunı kiçekterüen soradı. Bu oçraşuda küptän tügel atom qoralların taratmaw turındağı xalıqara kileşüdän çıqqan Tönyaq Korea mäs’äläse qaralaçaq. Tönyaq Korea isä bu problema Pxenyan belän Waşington arasındağı problema häm monda öçençe tarafnıñ qatnaşuı kiräk tügel dip täqrarlıy. Bügen AQŞ däwlät Sekretare Colin Powell Tönyaq Koreanıñ atom programması tiräsendäge kierenkelekne yomşartu öçen diplomatik tırışlıqlar berqädär fayda kiterde dide.

XS
SM
MD
LG