Şwitsariedä Dönya Ekonomik Forumına kilgän däwlät sekretarı Colin Powell başqaları qatnaşırğa telämäsä dä , AQŞ bu suğışqa baraçaq dip äytte. Powell Ğıraqnıñ qoralsızlanu yöklämälären bozuın isbatlau öçen qoral inspektorlarınıñ küpläp üterü qoralları tabuı şart tügel , Ğıraq suğış buldırmas öçen qoralsızlanğan buluın isbatlarğa tieş dip söyläde .
Powell süzlärencä( audio)
6atna däwam itkän inspeksielärdän soñ da , xalıqara cämäğätçelek töp soraularğa cawap alalmağan.Ğıraq inspektorlarnı quup çığarğançı bezgä mäğlüm bulğan unmeñnnäçä litr antrax häm botulinumnı yuq itkäne turında dälillär qayda? Xisabı qayda? Moñı inpektorlar raslarğa tieş. Ximik qorallar belän tutırıluı mömkin 30meñ çaması raketa başlığına närsä buldı? İnspektorlar alarnıñ 16sın ğına taptı . Qalğannarı qayda? Ğıraq import itkän bik tizlektä biologik qorallar eşläp çığarırğa yaraqlı 3 tonna materialğa ni buldı? Ni öçen Ğıraq äle dä uran eşkärtergä häm anı atom qoralına yaraqlı materialgä äyländerü öçen kiräkle mäxsus cixazlarğa iä bulırğa tırışa?
Powell Waşington irtägä inspektorlarnıñ iminlek şurasına täqdim itäçäk xisabnı sabır belän bäyäliäçäk dip äytsä dä, ul Ğıraqnıñ kileşle xäräkät itüe öçen waqıt betep kilä dide.
