Accessibility links

якшәмбе, 11 декабрь 2016, Казан вакыты 15:05

Colin Powell Russie häm Qıtaynı dönya mäsälälärendä uynağan rol öçen xupladı, AQŞ belän yevropa arasındağı upqın yaña tügel dip äytte


Däwlät sekretarı Powell bugen Dönya Ekonomik Forumında yasağan çığışında xalıqara mäsälälärdä Qıtay häm Russieneñ yöklängän rollären xupladı häm bu ike il Ğıraq vä Tönyaq Korea krizisların çişü öçen zur tırışlıq kürsätä dip äytte. Ul G.Bush belän W.Putinnıñ yaña strategik partnörlığına basım yasap, Waşington Russieneñ xalıqara iqtisadqa integratsielänü tırışlıqların tulısınça yaqlıy dide. Ul şulayuq sonğı waqıtlarda kierenkelänep kitkän AQŞ-Yevropa mönäsäbätlärenä qağılıp, bu yaña yäki ciddi närsä tügel bu parlar arasındağı üpkäläşü kebek , Quşma Ştatları belän Yevropanıñ bergäläp ireşkän uñışlar küp dip söyläde. C.Powell Henri Kissinger ber waqıtlarnı üzeneñ Atlantik Aliansı turında yazğan ‘Problemalı Partnörlıq’ isemle kitabınıñ kitapçılarda ğailä tormışı turındağı kitap kiştäsenä quyılğan buluın faş itkän ide dip äytep,tıñlauçıların kölderde

XS
SM
MD
LG