Accessibility links

шимбә, 3 декабрь 2016, Казан вакыты 18:48

Yewropa berlege Üzbäkstandağı keşe xoquqları torışına tağın ber märtäbä borçılu belderde.


Brüssel’dä Üzbäkstan tışqı eşlär ministrı Abdul-aziz Kamilov belän oçraşqannan soñ Yewropa Berlegendä Xäzerge waqıtta prezidentlıq itüçe Gretsiäneñ Yewropa eşläre ministrı Tassos Giannitsis Üzbäkstandağı keşe xoquqları torışı haman da tirän borçılu uyata dide.

AUDİO: İke taraf ta terrorçılıqqa qarşı köräştä keşe xoquqlarına häm töp irekleklärgä xörmätneñ bik möhim buluın tanıdı. Yewropa Berlege keşe xoquqlarınıñ bozıluına tirän borçıluın belderde.

Oçraşudan soñ Yewropa berlege tarafınnan çığarılğan dokumentta Üzbäkstannıñ totqarlaw üzäklärendäge azaplawlar, totqınnarnıñ ülem oçraqları yış bulu tänqitlänä. Şul uq waqıtta bu dokumentta qayber uñay adımnar da telgä alına. Alar arasında törmälärgä Qızıl Xaç wäkilläreneñ kertelüe, cinayät qıluçılarğa birelüçe cäzalarnıñ yomşartıluı, häm ülem cäzaların tormışqa aşırunı kimetügä taba adımnar turında äytelä. Yewropa Berlege belän Üzbäkstan şulay uq, Üzäk Aziädä xezmättäşlek itü, iqtisadıy häm säwdä elemtäläre, xalıqara mäs’älälär turında da söyläşte.

XS
SM
MD
LG