Accessibility links

шимбә, 3 декабрь 2016, Казан вакыты 05:28

Yewropa Berlege tışqı eşlär ministrları Pxenyannıñ atom programası bar digän şiklärgä bäyle krizisnı beterü öçen Tönyaq Koreağa üz wäkillären cibärü turında kileşte.


Berlek räsmiläre äytüençä, ministrlar xäzerge waqıtta Berlektä prezidentlıq itüçe Gretsiägä, ägär ul kiräk dip tapsa, şundıy wäkillär törkeme cibärüne röxsät itü turında kileşkän. Räsmilär süzlärençä, bu törkemneñ nindi däräcädä häm qayçan baraçağı turında qarar qabul itelmägän. Bügen Tönyaq Koreağa Könyaq Korea wäkile 3 könlek säfär belän kilde. Ul Tönyaq Koreanıñ atom qoralı yasawda qullanılırğa mömkin reaktorın eşlätä başlawına bäyle krisiznı çişü yulları turında söyläşäçäk. Pxenyan bu krizisnı barı tik Quşma Ştatlar belän turıdan-turı söyläşülär ütkärep kenä çişep bulaçaq dip täqrarlıy. Tönyaq Korea Quşma Ştatlar belän üzara höcüm başlamaw turında räsmi kileşü imzalarğa teli. Kiçä AQŞ Däwlät Sekretare Colin Powell Waşington Pxenyan belän Tönyaq Koreanıñ atom qoralları programmaların yuq itü turında üz östenä alğan yöklämälären niçek ütiäçäge turında söyläşügä äzer dide. Powell Quşma Ştatlar Tönyaq Koreağa höcüm itärgä ciınmıy dip äytte.

XS
SM
MD
LG