Dählidä Hindstan eşmäkärläre belän oçraşuda Xatami, Paqstan aşa ütäçäk, ozaq waqıt kiçekterelep kilgän bu ütkärgeç Hindstannı arzanlı häm däwamlı energiä çığanağı belän tä’min itä alaçaq dide. Xatami bu çığışın 4 könlek Hindstan säfäreneñ axırında yasadı. Ul älege proyekt äle dä niçek itep tormışqa aşırılaçağın öyränü xälendä dide. İran belän Hindstan arasında 3.5 milliard dollarlıq ütkärgeç tözü söyläşüläre 1994-nçe yılda başlanğan ide. Ämma Paqstan belän Hindstan arasındağı kierenkelek häm proyektnıñ qıybat buluı säbäple bu plan kiçekterelä kilä.
