Accessibility links

Yevropa Berlege Ğıraqtağı qoral tikşerüçelärenä östämä waqıt birelergä tieş digän pozitsiedä tora


Ğomumän alğanda Yevropa Berlegeneñ tışqı mäsälälärdä berdäm pozitsie aluı ,ber tawıştan säyläwe qıyın. Düşämbedä oyışmanıñ tışqı eşlär ministırları Ğıraq turında urtaq pozitsie aluların beldersä dä, bu äle bäxäsneñ üzägendä torğan möhim mäsälälärgä qağılmıy. Yevropa Berlege Ğıraqtağı qoral inspektorlarına kübräk waqıt birelergä tieş digän qaraşta.

15ildän torğan Yevropa Berlegendä urtaq tışqı säyäsät alıp baru qıyın. Bäxäslär, fiker ayırmalıqları aldında qalğanda isä Bloknıñ tışqı ministırları şunduq imiçlären saqlap qalu häm qıyın qararlar qabul itüne berniçä atnağa kiçäkterü mäqsatında konsensusqa sıyına başladı. Küpkenä küzätüçelär Ğıraq mäsäläsendä pozitsielär berbersennän bik yıraqta ,kileşü bulmas dip äytep quyğan bulsa da düşämbedä oyışma urtaq pozitsie turında belderde. Yevropa Berlegenä äğza 15ilneñ 4se Britanie ,Fransie , İspanya häm Germanie älege waqıtta BMOsı iminlek şurasında utıra. Britanie belän Fransie veto xoquqına iä. İspanya belän Germanie isä rotatsiese prinsıbına esasän şurada Düşämbedä Bmosı qoral tikşerüşeläreneñ citäkçese Hans Blix Nyuyorkta iminlek şurasına xisabın täğdim itkändä Brüseldä tışqı eşlär ministırları qısqa belderü yasap, Ğıraqtağı inspektorlarnıñ eşlären töğälläüläre öçen östämä waqıt birelergä tieş dip äytep, Ğıraqnıñ nıqlap xezmättäşlek itüen taläp itte. Ämma bu belderüdä suğışnıñ aqlau aqlanmawı turında süz dä yuq , Çönki bu mäsälädä fiker ayırmalıqları tirän. Berlekneñ älege citäkçese Gretsie tışqı eşlär minsitırı Papandreo jurnalistlar aldına çığıp bolay dide(audio) :Min bezneñ bugen ireşkän näticälärneñ alğa taba yul öçen konstruktiv nigez täşkil itüenä ışanam. Bez Ğıraqnıñ qoralsızlanuın , xezmätäşlek itüen häm BMOsı protesesına tınıç xäl çarası taläp itäbez .Papandreou cavaplılıq Ğıraq yağında dip basım yasasa da,yevropa Berlege Saddam xökümäte citärlek xezmätäşlek itsä, suğışnı buldırmau äle dä mömkin dip ışana dide. Ul Berlekneñ älegä waqıtta iminlek şurasında utıruçı 4ile düşämbedä ireşelgän konsensus nigezendä kiläçäktäge aksielären koordinatsielärlär dip kötäm dide .Yevropa Berlegenä äğza illärdän Britanie AQŞ säyäsäten in qızu yaqlauçılardan. Britanie artında saqlıq belän genä Gollandie, Danie, İtalia Espanya häm Portugal tora. Germanie belän Gretsie xärbi aksiegä nıq qarşı. Fransie isä Ğıraqqa oyıştırılaçaq här törle xärbi aksiene BMOsı raslarğa tieş di. Papandreou älbättä bu fiker ayırmalıqlarına qağılmadı.Ul şulayuq berlekneñ inspektorlar öçen küpme östämä waqıt taläp itüen dä äytmiçä genä, bu eşlär iminlek şurasında qaralırğa tieş dide Papanderou süzlärençä (audio)älbättä 1441 nomerlı rezolutsie waqıt qısası bilgelämi, yevropa berlege başbaştaqlarça bu turıda qarar çığara almıy.İkençedän, BMOnıñ 2nçe rezolutsiese turında söyläw öçen waqıt irtä. Germanie tışqı eşlär ministırı J.Fisher berlekneñ belderüen bik yaxşı dip xuplap çıqtı.Fisher süzlärençä, barlıq yevropalılar Ğıraqnıñ küpläp üterü qorallarınıñ yuq itelüen teli. Xärbi köç qullanmıy şul mäqsatqa ireşü öçen Ğıraqqa inspektorlar cibärelgän

Färidä Xämit ,Praga
XS
SM
MD
LG