Accessibility links

шимбә, 10 декабрь 2016, Казан вакыты 09:56

Färit Möxämmätşin: «Duma häm Tatarstan deputatları ber yulı saylanırğa mömkin»


Färit Möxämmätşin, uz çiratında Tatarstan parlamentı ber palatalı bulır axrısı dide, häm Duma saylawları Tatarstan däwlät şurasına deputatlar saylaw belän bergä ütärgä mömkin, digän faraznı rasladı. «Yaña başlanğan yıl säyäsi yaqtan bik aktiv bulırğa oşıy. Bıyıl deputatlarnı berençe tapqır säyäsi firqä isemlekläre belän saylıyaçaqbız» dide ul.

Saylawlarğa äzerlek inde başlandı dip äytep bula. Sişämbe könne Qazanğa «Rusiä Regionnarı» digän Duma deputatları törkeme citäkçese Oleg Morozov kilde. Ul jurnalistlar häm säyäsätçelär belän oçraştı. Saylawlar häm xakimiät firqäläre belän bäyle belderülär, soñğı waqıtta, «Edinaya Rossia» partiäseneñ eş bülmälärendä yasala. Bu yulı da şulay buldı. Äle şimbä könne genä, anda ber çara ütkän ide, inde sişämbedä dä – «Edinaya Rossia - Berdäm Rusiä» – firqäse qunaq cia.

Mäskäwdän qaytqan Morozov partiädäğe xällär turında söyläde. Saylawlarğa äzerlek inde başlandı, ä bu firka älegä başqa mäs’älälär belän mäşğül. Morozovnı, General Şura häm Üzäk Komitet räweşendäge ike xakimiätlelek borçıy. 29 nçı martta Mäskäwdä firqäneñ qorıltayı bulaçaq häm anda firqä nigezlämälärenä üzgäreşlär kerteläçäk.

XS
SM
MD
LG