Accessibility links

сишәмбе, 6 декабрь 2016, Казан вакыты 15:10

Mädäniät ministrlığı «Tatar cırı» xalıqara cır bäygesen yañartaçaq


Sişämbe könne, Mädäniät ministrlığınnan, tatar cämäğätçelege zarığıp kötkän ber xäbär kilde. Anda, İlham Şakirov isemendäge xalıqara tatar cırı bäygeseneñ oyıştıru komitetı utırışı buldı. Komitet belän mädäniät ministr İldus Tarxanov citäkçelek itä. Bäygene ministrlıq belän bergä, «Yaña ğasır» televideniese, Bötendönya tatar kongressı Başqarma komitetı oyıştıra. İlham Şakirov isemendäge tatar cırı bäygese sälätle cırçılarğa, vokal-instrumental ansambellärğä yardäm itü, tatar cır mirasın bayıtu häm xalıq arasında populyarlaştıru, yaña sälätle cırçılarnı tabu maqsatın quya. Bäyge 3 öleştän toraçaq. Anıñ berençe öleşe respublikanıñ rayon häm şähärlärendä, tatarlar yäşäğän Rusiä töbäklärendä ütäçäk. Tatarstannan çittä yäşäwçe tatar aritstları, üzläreneñ audio häm video tasmaların bäygeneñ oyıştıru komitetına 2003 yılnıñ 1 aprilenä qädär cibärergä tieş. 24 aprildän 25-nä qädär, Qazanda tatar cırı bäygeseneñ ikençe öleşe uzaçaq. Anda ciñgän keşelärneñ qaysıberläre, aprilneñ 26 sında, üçençe öleştä qatnaşıp, tatar cırı xalıqara bäygeseneñ lawreatı digän isemne alaçaq.

Bikä Timerova, Qazan

XS
SM
MD
LG