Accessibility links

дүшәмбе, 5 декабрь 2016, Казан вакыты 03:37

Tönyaq Korea, tağın ber märtäbä, Pxenyannıñ atom qoralı citeşterergä mömkin atom reaktorına bäyle krizisnı barı tik Quşma Ştatlar belän ikeyaqlı söyläşülär aşa çığa çişü mömkin dip belderde.


Tönyaq koreanıñ Mäskäwdäge ilçelege yasağan açıq belderüdä Pxenyan atom mäs’äläsen xalıqara mäs’älägä äyländerü tırışlıqlarına qarşı çığa dielä. Belderüdä söyläşülärgä başqa illärne dä cälep itep küpyaqlı söyläşülär ütkärü mömkinlege kire qağıla. Tönyaq Korea barı tik Waşington belän genä söyläşäçägen belderep kilä häm Quşma Ştatlardan üzara höcüm başlamaw turında ikeyaqlı kileşü imzalawnı taläp itä.

Pxenyanda Könyaq Korea Prezidentı Kim Dae Juñnıñ maxsus wäkile Lim Doñ-Won Tönyaq Koreanıñ xökümät cıyılışı başlığı Kim Yoñ Nam belän oçraştı. Doñ-Won Pxenyanğa atom programmasına bäyle kierenkelekne kimetü maqsatı belän 3 köngä kilgän ide. Anıñ säfäre irtägä tämamlana. İrtägä Seulğa qaytıp kitär aldınna ul Tönyaq Korea prezidentı Kim Joñ İl belän dä oçraşırğa niätli.

XS
SM
MD
LG