Accessibility links

Ankarada AQŞ häm Törkiä räsmiläre oçraşıp Ğiraq suğışınıñ bulırğa mömkin tä’sirenä qarşı çaralar turında söyläşte.


AQŞ däwlät departamentınıñ qaçaqlar eşläre öçen cawaplı ölkän wäkile Richard Greene, Törkiä tışqı eşlär ministrlığındağı söyläşülärdän çıqqaç, süz Ğiraq suğışı başlanğan oçraqta kötelmägän xällär bulsa yözlärçä meñ keşegä yardäm itü plannarı turında bara dide. AQŞ-nıñ berektäşe bulğan Törkiä kürşe Ğiraqta suğış bula qalsa qaçaqlar krizisın buldırmasqa teli. 1991-nçe yıldağı Farsı qultığı suğışınnan soñ Ğiraqnıñ tönyağınnan Törkiägä yözlärçä meñ körd qaçqan ide. Ul çaqta yardäm oyışmalarınıñ qaçaqlar öçen azıq-tölege häm çatırları citmäw säbäple meñyarımnan artıq keşe hälak buldı. Xäzer törkiä räsmiläre ul waqıyğalarnıñ qabatlanuına yul quymasqa tırışa, qaçaqlar Törkiägä kermäsen öçen Ğiraqnıñ tönyağında qaçaq lagerları tözelüne teli.
XS
SM
MD
LG